NYE LÆRARAR HAUSTEN 2009

Ny rektor
kks.as, sist oppdatert 24.07.09

Brit Gjerde Voster (41) er tilsett i vikariat som rektor ved KKS frå 01.08.09.

Brit, opprinneleg frå Bømlo og no busett i Norheimsund, har lang og breid erfaring frå arbeid i kristne friskular og har sidan 2001 jobba ved Danielsen Vidaregåande skule, dei siste 4 åra som inspektør. Brit har si utdanning frå SLHK, Statens Lærarhøgskule Handel og Kontor, innanfor økonomi, administrasjon og marknadsføring/salg samt grunnfag i norsk.

Brit er gift med Harald Voster og saman har dei eitt barn.

I tillegg er desse tilsett som lærarar frå 01.08.09:

Daniel Teigen (27) er tilsett som lærar i full stilling. Han er adjunkt med tilleggsutdanning og har årseining i matematikk.

Daniel er opprinneleg frå Lebesby i Finnmark. Han er gift med Eli Karin og dei har døtrene Rebekka og Hanna.

Vilhelm Gravdal (43) er tilsett som lærar i full stilling. Han har utdanning frå Universitetet for miljø- og biovitenskap (tidlegare Ås Landbrukshøgskole) med ulike realfag. Han har lang og breid erfaring frå arbeid i kristen friskule. Sidan 1994 har han jobba ved Kristen Vidaregåande Skule Lyngdal (KVS) som adjunkt og seinare lektor.

Vilhelm er frå Gravdal, og bur no i Tørvikbygd saman med kona Tove Merete og borna Marta Kjerstina, Gjert Ivar, Carl Æneas og Dina Malena.

	Ågot Lavik (37) frå Eksingedalen er tilsett som lærar i kunst og handverk og mat & helse. I tillegg skal ho vere assistent for ein elev. Ho er utdanna bioingeniør og har ekstrautdanning i ernæring. Tidlegare har ho jobba ved Haukeland Universitetssjukehus.

Sjå ellers liste over alle tilsette under linken for "TILSETTE" øvst på sida.