Arkiv

Nedanfor kan du lese arkivert stoff om og frå KKS. Øverst til venstre frå 2008-2009 og 2009-2010.

----------------------------------------------------------------------------------------------------------------------------

Opningsfest ved KKS - 15.11.07

Etter ein hektisk dugnadsperiode med å få Dalatun godkjend som skulelokale, var det tid for samlast i hyggjeleg lag på opningsfest den 12. oktober for Kvam Kristne Skule.

Dalatun var denne kvelden omgjort til festlokale med småbord med kvite dukar, blomar og fin pådekking. Festkledde menneske strøymde til. Då formannen i KKS, Eivind Straumstein, entra talarstolen for å ønskja velkomen, kunne han sjå utover ei flott forsamling på 75-80 personar !

Det var folk frå bygdene i kommunen, langvegsfarande gjester frå Jæren og Molde samt ordføraren og skulesjefen som representantar frå Kvam herad.

Etter velkomst hadde styreformann Eivind Straumstein ei oppsummering av arbeidet med å starta Kvam Kristne Skule. Det var tilbakeblikk den spede byrjinga i 2002, godkjenninga og seinare "fryslova" i 2005 og til ny godkjenning og oppstart no i august. Det hadde vore både gleder og sorger undervegs, men i dag var det stor takksemd for at me hatt fått KKS. Les meir ...

Bildeglimt frå opningsfesten for KKS den 12. oktober

Fyrste skuledag ved Kvam Kristne Skule
kks.as, 23.08.07

Kvam Kristne Skule (KKS) kunne tysdag 21. august ynskja elleve spente elevar velkomen til sin aller første skuledag på den nye skulen, medan ytterlegare to elevar startar ved KKS om to-tre veker.

I tillegg til elevar og lærarar, var fleire foreldre og vener av skulen møtt fram for å ta del i denne høgtidsstunda på denne historiske dagen.

Rektor Øyvind Fonn ønskte velkomen og tykte det var imponerande at skulen kunne koma i drift berre 18 dagar etter at den fekk godkjenninga. Han meinte at det måtte vel vera rekord. Les meir ..
.

REKTOR TILSETT VED KVAM KRISTNE SKULE (KKS)
kks.as, 08.08.07
Øyvind Fonn (41), opphaveleg frå Fana ved Bergen, er tilsett som rektor ved KKS. Han er utdanna ved lærarhøgskulen i Bergen, og han har brei pedagogisk erfaring både frå offentleg skule og frå friskule-samanheng, både som lærar og som rektor ved fleire skular. I tillegg har han vore leiar for ein leirskule i ein periode. Fagleg har han vidareutdanning i norsk og eit relativt nytt fag som heiter teknologi og design. Dette er eit nytt fagområde i naturfag, med fokus på at elevane skal utvikle produkt der design og teknologi utgjer eit viktig samspel.
Øyvind var mellom anna rektor ved oppstarten av Indremisjonsforbundet sin ungdomsskule Romsdal Ungdomsskule i Molde. Han hadde også ansvar for Misjonssambandet sin leirskule på Søvasslia Ungdomssenter i Sør-Trøndelag, der ein hadde sterk fokus på natur og friluftsliv. Han har også i ein periode vore ungdomssekretær i Nordmøre krins av Misjonssambandet. Øyvind Fonn er gift med Margareth og saman har dei 6 born. Øyvind vil leia den vidare prosessen med tilsetjing av lærarar ved KKS.

KKS tek form
kks.as, 08.08.07
Til tross for den korte fristen med å koma i gang med skule frå hausten av, er KKS i rute så langt. KKS er takksame til administrasjonen ved Kvam herad og formannskapet som på kort varsel innvilga oss løyve til å ta Dalatun i bruk til skule. No er altså rektor tilsett og fleire elevar er allereie påmelde. Planlagt skulestart er tysdag 21. august.

KKS jobbar for fullt med å få på plass skulemateriell som t.d. pultar, tavler, PC'ar osv... Dersom bedrifter eller privatpersonar har utstyr som dei trur skulen kan nytte, er det fint om dei tek kontakt med KKS.

Dalatun ligg nær skogen, og ei av sidene ved undervisninga ein gjerne vil ha som eit satsingsområde, er «friluftsliv og uteskule» som er vorte eit omgrep i skulen, der ein trekkjer undervisninga ut frå skulestova slik at borna får oppleve naturen på ein positiv måte. Foreldremedverknad i skulen vil ein leggje spesielt vekt på.
Les heile pressemeldinga ...

"Syv av åtte privatskoler fikk nei"
Syv av åtte søknader om oppstart skoleåret 2007/2008 fikk blankt avslag kun tre uker før skolestart.
Sakset var Dagen, 08.08.07 Av MARTIN DRANGE,

Rektor for Øvre Vats friskole i Vindafjord, Jørgen Landa, er sjokkert over avslaget.

- Jeg hadde slett ikke ventet et avslag. En skole som ble opprettet på 1860-tallet ble lagt ned i 2004. Vi har elevgrunnlag til å opprette en privatdrevet grendeskole fra 1. til 10.trinn her, sier Landa til VG. Hun har klaget inn avgjørelsen for departementet. Utdanningsdirektoratet viser til den nylig vedtattte privatskoleloven, som setter sterke begrensninger for godkjenning av nye privatskoler.

- I Øvre Vats tilfelle hadde ikke skolen et tilstrekkelig alternativt pedagogisk opplegg, mener områdedirektør Erik Bollestad Pettersen.

Følgende skoler som fikk avslag på sine søknader utenom Øvre Vats, er Akademiet vdg skoler i Tromsø og Trondheim, Harstad Montessoriskole, Norges Toppidrettsgymnas i Bergen og Tromsø, og muslimske urtehagen grunnskole i Oslo. Kun Kvam Kristne skule i Hordaland fikk godkjent sin søknad.

Kvam Kristne Skule godkjend! 03.08.07
I dag fekk me endeleg den etterlengta telefonen frå Utdanningsdirektoratet med meldinga: - Kvam Kristne Skule(KKS) er no godkjend. Etter 5 års arbeid med denne saka, er me svært glade for å kunne seie at me no planlegg oppstart av KKS innan par vekers tid.

Skulen vert lokalisert i Dalatun i Steinsdalen, i fine og tenlege lokalitetar. Me arbeider med å få på plass rektor og andre lærekrefter, og innan kort tid vil dette vere på plass. Har du ynskje om å søkje opptak ved skulen, ta kontakt med styreformann Eivind Straumstein tlf. 56 55 26 48 / 48 14 49 89 for nærare informasjon.

Status Kvam Kristne Skule 28.06.07
Det var med undring me kunne lese referatet frå stortingsdebatten den 7. juni, då den nye privatskulelova vart vedteken. Me var ein av dei skulane som var ramma av fryslova. Difor var det nok med ekstra undring me las det som her stod. Frå før veit me at Djupedal er ein som handlar raskt når ting skal skje, og slik var det også denne gongen. Etter kort tid kom ei etterlengta melding opp i innboksen i Outlook frå Direktoratet - at det igjen var høve til å søkje om godkjenning for KKS.

Ynskjer du å vere støttespelar for KKS ? (10.03.06)
Informasjon med tilbakemeldingsskjema.

Kvam Kristne Skule(KKS) vurderer oppstart utan statsstøtte( 07.03.06)
I endring til ny friskulelov opprettheld regjeringa sitt udemokratiske framlegg om å stoppe alle friskular (med unntak av grendaskulane) som ikkje var starta opp innan midten av desember 2005, sjølv om dei var godkjende. På bakgrunn av dette har styret for KKS den 7. mars fatta vedtak om at KKS vil vurdere oppstart utan statsstøtte frå hausten 2006. Les meir ...

ENDRING AV ORGANISASJONSFORM FOR KVAM KRISTNE SKULE(06.03.06)
Etter ei heilheitsvurdering har styret for Kvam Kristne Skule vedteke å endra organisasjonsform.
Stiftinga Kvam Kristne Skule vert lagt ned og i staden er Foreninga KKS Opplæring oppretta.

Sju grunnar for friskular
Leiaren i dagbladet Dagen 15.10.05, av redaktør Johannes Kleppa
Dette er diposisjonen til talen han hadde på Friskulemøte torsdag 13.10.05 i Norheimsund Bedehus

Sjølv om frittståande skular utgjer ein svært liten del av den norske skulen, har det vore mykje debatt om desse skulane dei siste åra. Det viser at det som gjeld dei unge si oppseding og opplæring, er viktig og engasjerer. Det fundamentale spørsmålet er kven som skal ha ansvaret for og det siste ordet i borna si oppseding. Ut frå menneskerettane er det ikkje tvil om at det er foreldra. Likevel held venstresida energisk fast på at det er staten som skal ha hand om skulen. Motstanden mot friskular er intens, og har konsekvensar både for lovgjevinga og dei økonomiske støtteordningane. Difor gjeld det å føra kampen for friskulane på brei bront. Les meir ...

Kvam Kristne Skule godkjend
Av Sigbjørn Linga, saksa frå HF tysdag 14. juni 2005

Friskulen Kvam Kristne Skule (KKS) vart godkjend fredag. - I dag er alle problem gløymde, seier Eivind Straumstein.

Styreleiaren i stiftinga Kvam Kristne Skule fekk gladmeldinga frå Utdanningsdirektoratet fredag morgon. Kort tid etter var flagget heist i Tololia.

- Det har teke tid, men på ein slik dag er problema undervegs gløymd, seier Straumstein. Fredag ettermiddag samla han nokre av dei glade eldsjelene bak skulen til kakefeiring heime i Tolovegen. Les meir ...

GODKJEND ! 10.06.05

Kvam Kristne Skule (KKS) vart fredag 10.06.05 godkjend av Utdanningsdirektoratet ! Godkjenninga gjeld for inntil 100 elevar på grunnskuletrinnet (1.-10. klasse).

Skulen er tenkt lokalisert sentralt i Kvam herad/Norheimsund-området og vil starta opp hausten 2006. Skulen vil starta forhandlingar med heradet med tanke på å få kjøpa ledig offentleg skulebygg. Etter vedtak i heradsstyret mars 2005 om endring av skulestrukturen og tilhøyrande nedleggjing av fleire grendaskular, vil fleire skulebygningar etterkvart verta ledige for salg.